United State chuan North Korea hrekna chu kum khat dang atan a pawtsei leh

Spread the love

United State chuan North Korea hrekna chu kum khat dang atan a pawtsei leh a ni.

US President Joe Biden chuan North Korea-in Nuclear ralthuam neih tum a hma alak chhunzawm reng avangin khawvel tana hlauhawm thei a ni tiin kum khat chhung atan a hrekna a pawtsei leh a, US President chuan congress-a hemi chungchang a sawifiahna ah chuan Korea peninsula-a nuclear ralthuam siam tura hmalakna leh nuclear chakkhai nei tura an beih dan hian North korea sawrhkar rilru put leh hawi lam a ti chiang hle a, heivang hian an ngeihdan leh hawi lam chhutin thilawm dan hi US Foreing policy leh economy tan pawh a pawi leh hlauhawm thei a ni, tiin an hrek chhan hi a sawifiah a ni.

President Joe Biden hian North Korea an hrekna hi pawtsei lo sela chuan an hrekna hman mek hi June ni 26 a tawp mai tawh tur a ni a, hemi hnu hian North Korea chuan duh angin thil tam tak a ti zui thei dawn a, mahse nuclear ralthuam nei tur a hma an lak chhunzawm reng avangin President Joe Biden hian hrekna hi a pawtsei leh a ni.

NEWS DANG

Myanmar Military council hotu Min aung Hlaing chu Russia tlawh a zin chhuakin tun hi tharum hmang a thuneihna an lak hnu a Russia a tlawh tum hnihna a ni.

Min Aung Hlaing hian atan bik a ruahman thlawhna hmangin sunday khan Myanmar a chhuansan a, a zin chhan hi Russia defense minister-in Security Conference a tel tur a a sawm avanga zin chhuak a nih thu media lian te chuan an puang a ni.

Min Aung hlaing hi airport-ah Myanmar Ambasador leh Russia sawrhkar aiawhin an lo hmuak a, a tum angin Russia President Vladimir Putin erawh a hmu theilo nia hriat a ni.

Min Aung Hlaing hi eng chen nge Russia ah hian a cham dawn hriat a ni lova, Russia hi Myanmar thian niin ralthuam an chawk luhna ber pakhat a ni bawk a, hmanni lawk a UN ram tam zawkin Myanmar-a ralthuam thawn luh tih tawp ni rawhse an tih hnuah Min Aung Hlaing hi Russia sawmna bawh zuiin a zin nghal a ni.

Credit : LPS Vision


Spread the love

Leave a Reply

Your email address will not be published. Required fields are marked *